Sut i gofrestru busnes yn y DU (Rhan 2)

03/02/23

Yn y post blaenorol o’r gyfres blog dwy ran hon buom yn edrych ar y mathau o strwythurau cwmni y dylech eu hystyried wrth ddechrau busnes. Yma gallwch ddewis ffyrdd i gofrestru eich busnes.

Unwaith y byddwch wedi dewis y math o fusnes ydych chi, nid yw’n anghyffredin newid strwythur eich busnes wrth i’ch cwmni dyfu. Er enghraifft, os bydd eich busnes yn dechrau fel unig fasnachwr ond yn ddiweddarach byddwch yn penderfynu ehangu eich cwmni gallwch ddewis bod yn gwmni cyfyngedig, a thalu treth gorfforaeth yn hytrach na threth incwm a dalwch fel masnachwr unigol. Dylid cofio nad yw cychwyn cwmni cyfyngedig yn estyniad o fod yn fasnachwr unigol a bydd un yn diweddu er mwyn i’r llall ddechrau.

  1. Mae cofrestru fel unig fasnachwr yn broses gymharol syml a gallwch wneud hynny ar wefan gov.uk trwy ddarparu dogfennau sylfaenol fel eich rhif Yswiriant Gwladol, manylion eich busnes a gwybodaeth bersonol gysylltiedig.
  2. I gofrestru fel cwmni cyfyngedig bydd angen i chi gofrestru gyda ‘Tŷ’r Cwmnïau’ o fewn tri mis i gychwyn eich busnes, asiantaeth weithredol cofrestryddion cwmnïau yn y DU. Mae ffi gofrestru o £20 ac opsiwn undydd llwybr carlam am £50. Ar ôl i chi gofrestru bydd eich manylion yn cael eu hanfon at HMRC. Bydd yn rhaid i chi hefyd ffonio HMRC i’w hysbysu bod eich cwmni’n bodoli, er mwyn i’r cofrestriad fod yn gyflawn. Wrth gofrestru eich cwmni, rhaid i chi benodi cyfarwyddwr i’r cwmni a fydd yn gyfrifol am ffeilio’r cyfrifon a sicrhau bod y dreth gorfforaeth yn cael ei thalu.

    Y dogfennau sydd eu hangen i gofrestru eich cwmni yw:
  1. I gofrestru eich cwmni fel partneriaeth, lle byddwch chi a’ch partner(iaid) yn rhannu cyfrifoldeb eich busnes, bydd angen i chi ddewis enw, partner enwebedig a fydd yn gyfrifol am reoli ffurflenni treth a chofrestru’r bartneriaeth gyda HMRC. Yn ogystal â hyn, bydd yn rhaid i bob partner anfon eu ffurflenni treth unigol eu hunain hefyd. Pan fydd eich trosiant yn fwy na £85,000, bydd angen i chi gofrestru ar gyfer TAW yn ogystal.

Unwaith y byddwch wedi asesu’r math o fusnes yr ydych am ei sefydlu, gan ystyried yr holl fanteision ac anfanteision, gallwch ddilyn ein canllawiau ar gyfer y weithdrefn briodol. Os ydych chi’n dal yn ansicr beth fydd yn gweddu orau i chi, mynnwch sgwrs gyda’n Cynghorydd Busnes Benthyciadau i Gychwyn. Yn ogystal â darparu cymorth ariannol gall Business in Focus gynnig cyngor a mentora AM DDIM gyda’r cynllun Benthyciadau i Gychwyn.

Os oes gennych unrhyw gwestiynau am gofrestru neu ddechrau eich busnes, cysylltwch â’r tîm heddiw.