Mae Business in Focus yn falch o gyflwyno Dyfodol Ffocws, prosiect sy’n ffurfio rhan o Gronfa Adfywio Cymunedol Llywodraeth y DU, ar ran 13 Awdurdod Lleol. Datblygwyd y prosiect hwn i gefnogi pobl leol i ddatblygu eu sgiliau a’u hyder er mwyn gyrru eu nodau entrepreneuraidd ymhellach, yn ogystal â chynnig cymorth i fusnesau sy’n ei chael hi’n anodd yn sgil y pandemig Covid-19.
Gan gefnogi’r bobl a’r cymunedau mwyaf anghenus ar draws y DU, nod peilot y Gronfa Adfywio Cymunedol yw creu cyfleoedd i roi dulliau newydd a syniadau arloesol sy’n ymateb i heriau lleol ac anghenion lleol dan brawf. Nod y gronfa yw cefnogi pobl i oresgyn rhwystrau, datblygu sgiliau entrepreneuraidd, a magu’r hyder i ystyried hunangyflogaeth.
Bydd Dyfodol Ffocws hefyd yn darparu cymorth wedi’i ariannu’n llawn i fusnesau annibynnol sefydledig yng Nghymru sydd wedi mynd drwy’r felin yn ystod y pandemig, gan sicrhau ein bod yn helpu i ddiogelu busnesau a gwarchod swyddi yn y cymunedau lleol.
Bydd y cymorth mae Business in Focus yn ei gynnig drwy Ddyfodol Ffocws yn cynnwys:
Petaech yn dymuno i’n tîm gefnogi unrhyw gleientiaid cymwys, cysylltwch â ni heddiw a byddwn yn trefnu i rywun gysylltu’n ôl â chi.
Bydd Dyfodol Ffocws yn darparu cyngor diagnostig busnes llawn unigryw a chymorth 1 i 1 rhad ac am ddim gan Gynghorydd Busnes a fydd yn cynorthwyo busnesau i asesu eu sefyllfa bresennol a gweithio gyda nhw i gael y busnes yn ôl ar ben ffordd. Gallant hefyd gael mynediad at gymorth gyda chynllunio marchnata a busnes er mwyn datblygu a thyfu’r busnes yn llwyddiannus. Bydd y cyngor wedi’i deilwra ar gyfer bob busnes unigol a byddant yn cael eu cyfeirio at unrhyw gymorth ariannol addas sydd ar gael.
Os wyddoch chi am unrhyw fusnes a allai elwa o’n cymorth, cysylltwch â ni heddiw.
Mae’r prosiect hwn yn cael ei ariannu gan Lywodraeth y DU drwy Gronfa Adfywio Cymunedol y DU.
