Gofod a Rennir

Mae gennym amrywiaeth o safleoedd busnes amlddefnydd yng Nghaerfyrddin, y Drenewydd a Hwlffordd y gellir eu harchebu ar gyfer rhannu mannau gweithio, cynnal cyfarfodydd a phrofi syniad busnes, ar sail tymor byr neu hirdymor.

Ac os ydych yn meddwl am gychwyn eich busnes eich hun, maent yn lleoedd gwych i gael cyngor a chefnogaeth, trwy sesiynau ar gychwyn busnes, gweithdai a digwyddiadau rhwydweithio.

Ystafelloedd Cyfarfod

Mae gennym amrywiaeth o fannau cyfarfod preifat os hoffech fod gyda’ch tîm neu gleientiaid mewn un lle.

Ond mae gennym gyfleusterau ar gyfer cynnal cyfarfodydd ar-lein hefyd. Mae’r rhain yn cynnwys WiFi cyflym iawn, sgriniau HD, a llawer o blygiau ar gyfer eich gliniaduron a’ch offer!

Ceir cyflenwad diderfyn o de a choffi yn ein mannau cyfarfod, a gallwch ddefnyddio’r amryw fannau sydd ar gael gennym i gynnal sesiynau grŵp hefyd.

Cymorth i Gychwyn Busnes

Ynghyd â’r amryw gyfleoedd a gynigir gan Ofod a Rennir, gallwch gael mynediad i’r gwasanaeth cymorth i fusnesau, sy’n rhad ac am ddim, trwy dimau’r Hybiau Menter Ffocws, neu Gynghorydd Busnes ar y safle. Mae’r gwasanaeth hwn yn gyfle ardderchog i gael barn am syniad busnes newydd, neu i fynd i’r afael â’r hyn yr ydych ei angen i roi cychwyn arni.